"Qardaş briqadası"nın yaradılmasının əhəmiyyəti nədir? - ŞƏRH

12 sentyabr, 2021 00:05

Azərbaycanla Türkiyə arasında hərbi sahədə əməkdaşlığın yeni mərhələsi inkişaf edir. Dünyada baş verən proseslər fonunda hərbi əməkdaşlığın daha intensiv şəkil alması həm də Cənubi Qafqaz regionu üçün mühüm əhəmiyyət kəsb edir. Bu barədə “Kaspi” qazetində məqalə dərc olunub. 

Məqalədə bildirilir: "Xüsusilə, Vətən müharibəsindən sonra bölgədəki sabitliyi təmin etmək üçün Azərbaycan həm ikitərəfli, həm də çoxtərəfli siyasi, iqtisadi, o cümlədən hərbi cəhətdən münasibətlərin inkişafında maraqlıdır. Bu məsələdə ölkə rəhbərliyinin də iradəsi özünü göstərir. Belə ki, Ali Baş Komandan İlham Əliyevin müvafiq tapşırığına əsasən, Müdafiə Nazirliyi Türkiyənin Milli Müdafiə Nazirliyi ilə qurduğu əməkdaşlıq çərçivəsində ilboyu birgə hərbi təlimlər keçirilir. Məqsəd isə Azərbaycan ordusunun döyüş qabiliyyətini artırmağa, yeni təcrübənin tətbiqinə və döyüş uzlaşmasının təkmilləşdirilməsinə, o cümlədən komandirlərin hərbi qərar qəbuletmə və bölmələri idarəetmə bacarıqlarının inkişaf etdirilməsinə yönəldilib.

Bu günlərdə Türkiyə Milli Müdafiə Nazirliyinin yaydığı yeni açıqlama da iki qardaş ölkə arasında mövcud hərbi əməkdaşlıq baxımından diqqəti cəlb edir. Bu qurumun rəsmisi Pinar Kara qeyd edib ki, Türkiyə və Azərbaycan arasında hərbi sahədə qarşılıqlı əlaqəni təmin etmək, təlim, idarəetmə və icra prinsiplərini uyğunlaşdırmaq üçün “Qardaş Briqada” layihəsi başladılıb. 

O vurğulayıb ki, Türkiyə Azərbaycan Ordusuna dəstək olmaq məqsədilə Ermənistanın işğalından azad edilmiş ərazilərdə minatəmizləmə işlərini davam etdirir: “Türkiyə Silahlı Qüvvələri qardaş ölkə Azərbaycanla hərbi əməkdaşlıq müqavilələri çərçivəsində Azərbaycan Silahlı Qüvvələrinin modernləşdirilməsinə və təlim fəaliyyətini dəstəkləməyə davam edir. "İki dövlət, bir millət" anlayışı ilə kədər və sevinc içərisində bir yerdə olduğumuz azərbaycanlı qardaşlarımızın yanında bütün imkanlarımızla olmağa davam edəcəyik”.

Onu da qeyd edək ki, Azərbaycan Silahlı Qüvvələrinin hərbçiləri “Qardaş Briqada” layihəsi çərçivəsində Türkiyədə təlimdə iştirak etmək üçün Gelibolu vilayətinə gediblər.

İki qardaş ölkə arasında “Qardaş Briqada”nın yaradılmasının əhəmiyyəti nədən ibarətdir? Bu layihə bizə nə verəcək? Ümumiyyətlə, Azərbaycan və Türkiyənin bu addımı maraqlı dövlətlər tərəfindən necə qarşılanacaq?

Ehtiyatda olan polkovnik, hərbi ekspert Ruslan İmamquliyev “Kaspi” qəzetinə açıqlamasında bildirdi ki, Azərbaycan müstəqilliyini əldə etdikdən sonra ölkəmizlə Türkiyə arasında bir çox istiqamətlərdə, o cümlədən hərbi müstəvidə sıx əlaqələr olub: “Biz 44 günlük müharibədə də bunun verdiyi faydanı görmüş olduq. Təbii ki, bundan sonra da Azərbaycanla Türkiyə arasında bütün sahələrdə olduğu kimi hərbi sahədə də əməkdaşlıq davam etdirilməlidir. Bundan əvvəlki illərdə digər ölkələrin nümunələri Azərbaycana tətbiq edilib. Lakin bu günün reallığına uyğun olaraq ölkəmizdə Ali Baş Komandanlıq səviyyəsində qərar verilib ki, Azərbaycan ordu quruculuğunda Türkiyə modelini əsas götürsün”.

Hərbi ekspertin sözlərinə görə, Türkiyə ordu modelinin əsas götürülməsi o deməkdir ki, bu sahədəki əlaqələr daha da inkişaf etdirilməlidir: “Bir sözlə, hərbi təlimlərin keçirilməsi, hərbi təhsil sahəsində, o cümlədən müdafiə sənayesinin inkişaf etdirilməsi baxımından Azərbaycan, Türkiyə və Pakistanla olan əlaqələrin inkişafı olduqca vacibdir. Ümummilli lider Heydər Əliyev təsadüfən “Bir millət, iki dövlət” fikrini səsləndirməyib. Məhz “Bir millət, iki dövlət” prinsipi çərçivəsində regionda söz sahibi ola bilmək üçün Azərbaycan və Türkiyə orduları mütəmadi olaraq ortaq təlimlər keçirir, müştərək beynəlxalq əməkdaşlıq əməliyyatlarında iştirak edirlər. Biz bunun bariz nümunəsini Əfqanıstanda Kabil hava limanının qorunmasında Türkiyə ilə Azərbaycanın ortaq fəaliyyətində gördük”.

R.İmamquliyev qeyd etdi ki, Azərbaycanın Türkiyə ilə sıx əlaqələri silahlı qüvvələrimizin tək regionda deyil, dünyadakı ordular sırasında yer alması üçün əhəmiyyətlidir: “Ola bilsin ki, bu gün bu prosesin reallaşması bizə bir qədər uzaq görünə bilər. Amma unutmayaq ki, Türkiyə ordusu bu gün bütün dünyada ən güclü ordulardan biridir. Dünyada sözünü deyən bir ordu ilə eyni qanı daşımaq, eyni adət- ənənəyə sahib olmaq, müştərək təlimlərdə iştirak etmək o deməkdir ki, Azərbaycan, sadəcə regionda deyil, dünyada sözünü deyə bilən ordular sırasına addım-addım yaxınlaşır və baş verən proseslər buna bir işarədir”.

25 oktyabr

16:51 - İran Prezidenti Azərbaycanın yeni səfirini qəbul etdi - FOTO 16:49 - "Qubadlı azad olunanda artıq müharibənin taleyi həll edilmişdi" - İlham Əliyev15:18 - 10 "arzuolunmaz şəxs" - Hansı səfirlər Türkiyəni tərk edib?15:15 - ""Sülh" Azərbaycanın ərazi bütövlüyünün tanınması deməkdir..." - Ohanyan "həyəcan təbili" çalır15:08 - Müəllim peşəsindən uzaq düşən kişilər... - ARAŞDIRMA14:41 - Prezidentlə xanımı Qubadlıda getdi - FOTOLAR 14:38 - Ali məktəblərdə hansı fakültələr ləğv edilməlidir? - Ekspert rəyi13:18 - Ən çox və ən az məhbusu olan ölkələr: Azərbaycan neçəncidir? - REYTİNQ12:58 - İranın Təhlükəsizlik Şurasının katibi İsraili hədələdi - "Əgər hücum etsə, İsraili darmadağın edəcəyik" 12:51 - Həmin çantanın içində nə vardı? - Bennettlə Putinin görüşü12:01 - Mehriban Əliyeva Qubadlıdan paylaşım etdi - FOTO11:47 - Şeyxin deputat qardaşı özünü gülüş hədəfinə çevirdi - "Azərbaycan" sözünü düzgün yaza bilmir - FOTO10:56 - Dini toy karvanı təşkil edənlər saxlanıldı, 16 sürücü saxlanıldı - VİDEO 09:56 - İranlı nazir: "Ərdəbildən Azərbaycana dəmir yolu xətti çəkiləcək" - Tehran niyə belə bir addım atır?09:51 - Azərbaycanda devalvasiya olacaq? - Vacib açılama 09:47 - Azərbaycanda bahalaşma "yorulmaq" bilmir - Bizi nə gözləyir?09:45 - İlham Əliyev gələn ay Türkiyəyə səfər edəcək - Səfir anons verdi 00:13 - "Ermənilərin qatilləri": Ermənistan parlamentinin sədri Kiprdə belə qarşılandı - VİDEO 00:08 - Şemya adasına F-16 qırıcıları göndərildi: ABŞ Rusiya ilə müharibəyə hazırlaşır? - "FORBES" jurnalı00:05 - ABŞ Ukraynaya müasir silahlar göndərdi - "Ukraynanı NATO yolunda görmək istəyirik..."00:00 - "Paşinyan artıq cəsarətli açıqlamalar verir, çünki..." - Metyu Brayza

24 oktyabr

16:39 - Abdulla Abdullayev, Rövşən Əhmədov və digərləri “Bayraktar”ın sirlərini ələ keçirmək istəyirdilər? - Türkiyədə həbs edilən 6 nəfərlə bağlı müəmma16:38 - İran XİN rəhbəri Azərbaycanla münasibətlərdən yazdı 12:31 - "Murat Karayılanın da məhv edilmə növbəsi çatır" - Süleyman Soylu12:29 - Prezidentlə xanımının yeni fotosu 11:35 - Müxalifət yenidən küçə mübarizəsinə başlayır - Hakimiyyət nə düşünür?00:18 - Ermənistan: Uzaq məsafədən millətçiliyin çoxsaylı təhlükələri - Fransa jurnalı00:17 - Kennedi sui-qəsdinin gizli sənədləri nə vaxt açılır?00:13 - İran Bakı qarşısından niyə geri çəkildi? - Rusiyalı tarixçi şərh edir00:11 - Saakaşvilinin Batumidəki tərəfdarları ayağa qalxdı - FOTOLAR