Nazarbayevin 29 yaşlı nəvəsiin müəmmalı ölümü: - Narkotik, ifşaedici açıqlama, yoxsa...

17 avqust, 2020 10:17

Qazaxıstanın birinci prezidenti Nursultan Nazarbayevin nəvəsi avqustun 16-da Londonda vəfat edib. 29 yaşlı Aysultan keçmiş prezidentin böyük qızı Dariqa Nazarbayeva ilə mərhum Rahat Əliyevin ortancıl övladıdır. Qazaxıstan KİV-lərinin məlumatına görə, Aysultan Nazarbayevin ölümünə ürək tutması səbəb olub. Maraqlıdır ki, A.Nazarbayev ötən ilin yayında Londondakı otellərdən birində intihara cəhd etmiş, özünü balkondan atmaq istəyərkən polisin müdaxiləsi sayəsində həyatda qalmışdı.

“Ailəmiz sevimlimiz Aysultanın vəfatından dərin kədər keçirir. Ümid edirik ki, bizim üçün bu çox çətin zamanda ictimaiyyət itkimizə anlayış və hörmət göstərəcək”, – deyə açıqlama verən Dariqa Nazarbayeva oğlunun ölüm xəbərini təsdiqləyib.

Sandxerstdəki Britaniya Kral Hərbi Akademiyasını bitirdikdən sonra Aysultan Nazarbayev Qazaxıstan Müdafiə Nazirliyinin Baş Kəşfiyyat İdarəsinin heyətinə daxil edilmişdi. 2017-ci ildən isə Qazaxıstan Futbol Federasiyasında çalışırdı. Təqribən 10 gün sonra – 26 avqustda 30 yaşı tamam olacaqdı.

A.Nazarbayev ötən ilin oktyabr ayında Londonda narkotik vasitələrin təsiri altında polis işçilərinə müqavimət göstərdiyinə, onlardan birini dişlədiyinə görə yerli məhkəmə tərəfindən şərti cəza almışdı. Aysultan həm cərimələnmiş, həm də üzərinə narkotik asılılığından müalicə olunmaq öhdəliyi qoyulmuşdu.

İstintaq Aysultan Nazarbayevin kokaindən istifadə etdiyini müəyyən etmişdi.

Aysultan Nazarbayev

A.Nazarbayev musiqiçilər Emi Vaynhaus və Robbi Villiams, futbolçu Corc Best və aktyor Conni Depp kimi məşhurların narkoasılılıqdan qurtarmaq üçün müxtəlif dövrlərdə reabilitasiya kursu keçdiyi özəl “Priory” klinikasında da müalicə alıb.

2017-ci ildə o, “Facebook” hesabından paylaşım edərək bildirmişdi ki, atasının – Qazaxıstandan Avstriyaya qaçan və rəsmi versiyaya görə həbsxanada intihar edən Rahat Əliyevin ölümündən sonra narkotik istifadə etməyə başlayıb. Dediyinə görə, 2019-cu ildə ailəsi onu “xüsusi Rusiya həbsxanasında” gizlədib. Sonradan həm Allah, həm də babası Nazarbayev ona narkotik asılılığından qurtulmağa kömək edib.

D.Nazarbayeva ilə 1983-cü ildə ailə quran Rahat Əliyev siyasi və diplomatik faəliyyətlə məşğul idi. Cütlüyün bu nikahdan iki oğlan və bir qız olmaqla, üç övladı dünyaya gəlmişdi – Nurəli, Aysultan və Venera.

2007-ci ildə adı bir sıra cinayətlərdə hallanan R.Əliyev Qazaxıstandan vaxtilə səfir olduğu Avstriyaya qaçır. Özünə qarşı təqibləri siyasi motivli adlandıraraq Qazaxıstana qayıtmayacağını bildirir.

2014-cü ildə R.Əliyev Qazaxıstan bankının iki menecerinin qətlində şübhəli bilinərək Avstriyada tutulur. Və 2015-ci ildə Avstriya həbsxanasındakı kamerasında asılmış vəziyyətdə tapılır.

Rahat Əliyev və Aysultan

Rəsmi versiyaya görə, R.Əliyevin ölümü intihar idi. Alman ekspert Bernd Brinkman isə R.Əliyevin intihar versiyanı qəbul etməyərək hadisənin qətl olduğunu demişdi. Və bildirmişdi ki, boğulma qırışlarından aşağıda olan göy ləkələr də qətl versiyasını möhkəmləndirir. Ekspertin sözlərinə görə, qançırlar göstərir ki, R.Əliyevi boğandan sonra asıblar.

Rahat Əliyev vətənə xəyanət, dövlət çevrilişinə cəhd kimi, bir sıra ağır maddələrdə də ittiham edilmişdi. O, vətənində qiyabi mühakimə olunmuş və barəsində həbs qərarı çıxarılmışdı. Avstriya əməliyyatçıları Qazaxıstan hökumətinin tələbi ilə R.Əliyevi 2015-ci ildə Vyanada həbs etmişdilər.

Dariqa Nazarbayeva qalmaqallı proses başlayan kimi birtərəfli qaydada – R.Əliyevin razılığı olmadan ərindən boşanmış və bir müddət ictimai həyatdan kənarlaşmışdı.

Nursultan Nazarbayev və Aysultan

Həmin dönəmlərdə mətbuat yazırdı ki, hadisənin məhkəmə ərəfəsi baş verməsi ciddi şübhələr yaradır. Çünki R.Əliyev əvvəlcədən bəyan etmişdi ki, məhkəmədə Qazaxıstan məmurları ilə bağlı şok faktlar açıqlayacaq. O, qayınatası N.Nazarbayevlə də bağlı ifşaedici açıqlamalar vermişdi.

Atası kimi Aysultan Nazarbayevin də ölümü müəmmalı oldu. Belə ki, Aysultan bu ilin fevral ayında “Facebook” hesabından bəyan etmişdi ki, siyasi sığınacaq üçün Britaniya hökumətinə müraciət edib. Buna səbəb isə paxıl və acgöz qohumları ilə münasibətlərinin pis olmasıdır. “Mən bu acgözlüyün bir parçası olmaq istəmədim”, – deyə Aysultan bildirmişdi.

Üstəlik, atası Rahat Əliyev kimi Aysultan da ölümündən qabaq sensasion açıqlamalar verərək anası ilə münasibətlərinin pis olduğunu, həmçinin Qazaxıstan qazının Rusiyaya satılmasına dair ailə üzvlərinin də iştirak etdiyi korrupsiya sxemindən xəbərdar olduğunu bildirmişdi…

Tərcümə Strateq.az-ındır

26 iyun

20:25 - Azərbaycan səfiri İran şirkətlərini Qarabağ və Şərqi Zəngəzura sərmayə yatırmağa çağırıb20:22 - AXCP fəalı Çapay Sadıqlı qətlə yetirildi20:18 - İlham Əliyev Kəlbəcərdə hərbi hissənin açılışını etdi11:49 - Üç türk ölkəsinin nazirləri Bakıda toplanır - Nələr müzakirə olunacaq? 11:47 - Azərbaycanın müdafiə xərcləri nə qədərdir?  - Rəqəmlər11:44 - "Ukraynada ABŞ komandoları döyüşür" - "The New York Times"01:17 - Rusiya müharibəni nə vaxt bitirəcək?01:07 - Dünyada yeni alyans: Avstraliya, Britaniya, Yeni Zelandiya, ABŞ və Yaponiya - Partners in the Blue Pacific01:04 - "Rusiya Belarusa "İskəndər-M" verəcək" - Putin

25 iyun

20:15 - İran atom elektrik stansiyası tikəcək 18:51 - Rusiyanın neft gəlirləri sürətlə artır - "The Washington Post"16:26 - "ABŞ müharibənin bitməsini deyil, Putinin devrilməsini istəyir..." - Qiora Aylend 16:21 - Rusiya daha bir ölkəni hədələdi - "Moldova hakimiyyəti lokomotivdən qabağa keçib"16:16 - Rusiya Belarus ərazisindən Ukraynaya raket zərbələri endirib13:03 - "İlk raketi Londona atacağıq..." - Rus general12:39 - "Kontakt Home"un problemli kreditləri - "Legal 12" şirkətinin "reket" əməlləri…12:25 - Ucuzlaşma anonsu verilir, vətəndaş inanmır...11:34 - İran Azərbaycana niyə hücumlar təşkil edir? - Detallar11:13 - Gürcüstan hökumətinə 1 həftə vaxt verildi...11:10 - Türkiyə qorxusu qonşunu hərəkətə keçirdi - Fransa ilə yeni hərbi anlaşma11:08 - Paşinyan medianın suallarına cavab verəcək11:06 - Azərbaycan-Naxçıvan bağlantısı ilə türkdilli ölkələrin əlaqələrini necə gücləndirmək olar?01:10 - Ermənilər Laçındakı qaz borularını söküb Qaladərəsinə daşıyır01:05 - Neftin yenilənmiş büdcə qiyməti risk formalaşdırır? 01:00 - Tiflisdə aksiyalar başladı: Minlərlə insan şəhərin mərkəzinə toplaşdı - FOTOLAR 00:56 - Rusiya qazdan silah qismində istifadə edir...

24 iyun

18:34 - Rekord uduş fondlu, bol uduşlu "10"17:27 - Revanşistlər Xankəndiyə gəldi - Bakıya qarşı plan?16:47 - Rusiyaya casusluq edən deputat ifşa olundu16:05 - Rusiya şirkətlərinin Qarabağın bərpasına olan yüksək marağı nə ilə bağlıdır?