Rusiyanın aparıcı hərbi ekspertlərindən etiraf: "Bəli, bu, bizim "İskəndər M" idi"

07 aprel, 2021 00:58

“İskəndər” raketləri ətrafındakı qalmaqal getdikcə böyüyür. Bir neçə günlük susqunluq və inkar cəhdlərindən, habelə “vurulan “İskəndər”lərin qalıqlarının Suriyadan gətirilməsi” kimi sui-qəsd nəzəriyyələrinin informasiya məkanına sızdırılmasından sonra, Rusiya tərəfi azərbaycanlı minaaxtaranların aşkar etdikləri raket qalıqlarının məhz adıçəkilən operativ taktiki komplekslərə məxsus olduğunu etiraf etməyə başlayıb.

Məsələn, Rusiyanın ən nüfuzlu hərbi ekspertlərindən biri Pavel Felgenhauer “Kavkazskiy Uzel” resursuna verdiyi müsahibədə Ermənistanın “İskəndər”in ixrac edilməyən versiyasına sahib olması ehtimalını təsdiqləyib. Onun sözlərinə görə, hazırda “İskəndər” raketlərində heç bir ixrac nişanı yoxdur.

“Deyəsən, yalnız Əlcəzair üçün “İskəndər”in ixrac variantı hazırlanıb. Lakin başqaları üçün belə bir məhsul istehsal edilməyib, raketlərin adi variantı buraxılıb. Düzü, Ermənistan üçün ixrac versiyası hazırlamadıqlarından, adi versiyanı satdıqlarından şübhələnirdim. Bu barədə danışmırdılar, amma onlara satılanların ixrac variantı olduğunu da söyləmirdilər, sadəcə susurdular. Bu raketlər Rusiya Silahlı Qüvvələri üçün hazırlanarkən istehsal prosesini pozmaq və xüsusi ixrac variantını buraxmaq nəyə lazımdır ki? Ermənistana “yerli məhsullardan” müəyyən bir miqdar göndərmək, orijinaldan daha zəif olan ixrac variantının buraxılışını təşkil etməkdən daha asandır”, - deyə ekspert bildirib.

Analitik “İskəndər” kompleksinin ilkin olaraq ixrac üçün nəzərdə tutulduğunu da xatırladıb.

“Məhz buna görə də ona “İskəndər” adı verilib. Belə ki, Şərq ölkələrində Makedoniyalı Aleksandrı məhz belə adlandırırlar. Bu ad rus silahları üçün səciyyəvi deyil. Bunun uğurlu bir marketinq gedişi olacağı düşünülürdü, amma “İskəndər”lərin ixracı baş tutmadı və kompleksin “Tochka U”nun əvəzinə Rusiya ordusunun raket briqadaları üçün kütləvi şəkildə istehsalına başlanıldı” – deyə P.Felgenhauer izah edib.

Mütəxəssis qeyd edib ki, əgər Rusiya ordusu üçün istehsal olunan məhsullar Ermənistana verilirsə, bu, beynəlxalq öhdəliklərin pozulmasıdır. Bununla belə, o, sözügedən faktın mənfi siyasi nəticələrə səbəb olacağını ehtimal etmir.

“Bu fakt Rusiya Federasiyasının raket texnologiyalarının ixracını məhdudlaşdırmaqla bağlı beynəlxalq öhdəliklərini pozur. Uçuş məsafəsi 300 km-dən çox ola bilməz. Görünür, tədarükçülər də bu öhdəliklərin pozulmasına göz yumublar. Ermənistanda rus ordusu üçün istehsal olunan adi “İskəndər”lər varsa, buna təəccüblənmərəm. Burada hər hansı bir “qara bazara” ehtiyac yoxdur. Hərçənd, orada hansı raketlərin tapıldığı hələ dəqiq məlum deyil”, - deyə ekspert qeyd edib.

Pavel Felgenhauer müharibənin sonunda Ermənistan silahlı qüvvələrinin “İskəndər” raketlərindən istifadə etməsini mümkün sayır və düşünür ki, erməni tərəfi bu addımı “ümidsizlikdən” ata bilər. Hərçənd, onun fikrincə bu vəziyyətdə adıçəkilən komplekslərdən istifadəyə praktiki ehtiyac yox idi.

Hərbi elmlər doktoru, eyni zamanda hökumətə bağlı bir media fiquru olan Konstantin Sivkov da “İskəndər”in ixrac edilməyən versiyasının birbaşa Ermənistana çatdırılmasının mümkünlüyünü qəbul edir.

“Ermənistan Rusiya Federasiyasının etibarlı müttəfiqidir. Ona görə də bu ölkəyə “İskəndər”lərin yerli versiyası da verilə bilərdi və burada təəccüblü heç nə yoxdur. Əgər Ermənistanda “İskəndər” varsa, onda niyə istifadə edilməsin? Yəqin ki, istifadə olunmasaydı, daha məntiqsiz olardı”, - deyə ekspert bildirib.

12 aprel

18:02 - "Davam" Gənclər Hərəkatı ideoloji doğum gününü qeyd edib - FOTOLAR17:40 - İrəvanı verdik Ermənistana, ingilis generallar burada meydan sulayırdı”14:33 - Həbs edilən generalla bağlı tükürpədici açıqlama: - "İşgəncə verdiyi adam öldü"13:34 - "Bu işin başında da Putin durub" - "Xalqı xamlayıb, vətənpərvərlik nağılları danışırlar və..." 12:58 - Xocalı sakinləri doğma yurda qayıdır? - Qarabağdan sensasiyalı xəbər 12:15 - İlham Əliyev Hərbi Qənimətlər Parkının açılışını etdi10:58 - "Respublika" qəzetinə yeni baş redaktor təyin edildi - FOTO10:51 - Onlar yenə separatçıların yanında peyda oldu... - Qan iyinə gediblər? 09:52 - Hadı Rəcəblinin restoranında toy məclisi təşkil edilib - Saxlanılanlar var09:44 - Putin ordunu sərhəddə niyə yığır? - Alman nəşri şərh edir...09:37 - Rusiyanın ölü sükutu: "İsgəndər"in pultu kimin əlində olub?00:07 - "Ukraynanın fəaliyyəti Rusiya üçün potensial təhlükəlidir" - Peskov

11 aprel

22:12 - Azərbaycanlı səfir 250 min manata maşın aldı - FOTOLAR 22:10 - Ermənistanda rus generalın qızının meyiti tapıldı22:07 - Xankəndidə mənzillərin qiyməti ucuzlaşdı - YENİ QİYMƏTLƏR11:44 - Ərdoğan-Zelenski görüşünün nəticələri - 20 MADDƏ00:14 - Erməni məmur general Rüstəm Muradovu təhqir etdi - FOTO00:09 - Ermənilər qaçqınların Qarabağa qayıtmasının qarşısını necə alır? - Səfir şərh edir...00:06 - Türkiyə üçün çətin seçim: Rusiya, yoxsa ABŞ?00:01 - Lavrovu kimin əvəz edəcəyi bilindi - Putin komandasında nə baş verir?

10 aprel

23:06 - Azərbaycan snayperi erməni zabitini belə məhv etdi - VİDEO 21:59 - Hikmət Hacıyev yeni ailə quran cütlüyü təbrik etdi 19:02 - "Müharibə Rusiya üçün ağır nəticələrə səbəb olacaq:.." - "Ukrayna ilə Rusiya arasındakı müharibənin nəzarətdən çıxması riski var"18:26 - Almaniyada dəbdəbəli otel tikintisinə başlayıb yarımçıq qoyan azərbaycanlı kimdir? - "Bu, məni çox qəzəbləndirir"16:58 - Kim Çen In təhsil nazirini edam etdirdi 16:20 - Erməni deputat Naira Zöhrabyan: - "Mən Polad Həşimov küçəsində yaşayıram" 15:10 - "Həqiqətlərin çatdırılmasında Türkiyə mediası bizimlə birgə oldu" - Prezidentin köməkçisi 14:33 - Ukrayna ABŞ-dan 100 F-15 alsın, yoxsa Azərbaycanın taktikasından istifadə etsin?14:30 - Fuad Mayılov "fenomeni", YPX-dən günlük tələblər - BDYP-dən açıqlama verdi - YENİLƏNİB 13:47 - Neftçala ekoloji fəlakət astanasında - Xəzər dənizinin suyu Kür çayında 40 kilometr irəlilədi