Azərbaycana qarşı növbəti təxribat - fransız deputatların Qarabağdan ayağı kəsilmir

03 aprel, 2021 10:18

Siyasilər Bakı və Moskvaya çağırış etdilər: “Bu cür qanunsuz səfərlər...”

Fransanın ermənipərəst deputatları təzədən Qarabağa qanunsuz səfərə hazırlaşırlar. Azsiyasət.com musavat.com-a istinadən xəbər verir ki, rəsmi Bakının razılığı olmadan “artsax”sevər fransız deputatlar qanunu pozmağa can atırlar. Bu haqda qondarma “Fransa-artsax dostluq qrupu”nun fransalı sədri, deputat Qi Tessinin məktubunda deyilir. Artıq erməni mediası indidən bunu keçmiş separatçı rejimin təbliği üçün istifadə etməyə başlayıb.

Azərbaycan bu təxribatın qarşısını almaq üçün hansı tədbirləri görəcək? Ümumiyyətlə, ərazimizə Bakının icazəsi olmadan girişlər nə vaxt dayandırılacaq? Bəs Rusiya sülhməramlıları onları ərazimizə buraxacaqmı?

Bir müddət əvvəl fransız jurnalistlər geri qaytarılmışdı. Amma xarici ölkələrin rəsmilərinin Azərbaycanın ermənilər yaşayan ərazilərinə qanunsuz səfərləri səngimir, ayaqları kəsilmir. Onlar bununla ölkəmizin suverenliyinə hörmətsizlik nümayiş etdirirlər.

Eyni zamanda, sülhməramlı qüvvələrin borcudur ki, Laçın koridoruna nəzarəti gücləndirsinlər, üçtərəfli bəyanatın mahiyyətinə zidd addım atmasınlar. Bu səfərlər həm də onu diktə edir ki, Azərbaycan tərəfi Laçın dəhlizinə nəzarəti gücləndirsin və sürətləndirsin. Əks halda ermənipərəst rəsmilərin Xankəndinə gediş-gəlişi intensivləşəcək, getdikcə adiləşdiriləcək.

Hələlik Azərbaycan Xarici İşlər Nazirliyindən fransız deputatların səfər hazırlığına dair münasibət bildirilməyib. Analoji susqun reaksiya Rusiya müdafiə nazirinin müavini Dmitri Bulqakovun Xankəndi səfərində də sərgiləndi.

Yada salaq ki, bundan əvvəl də Avropa Parlamentinin, ayrı-ayrı dövlətlərin deputatlarının Qarabağa qanunsuz səfərləri olub və Azərbaycanın “qara siyahı”sına salınıblar. Lakin daha konkret addımların atılmasına zərurəti var.

Martın sonunda isə Ermənistanın ədliyyə naziri Rüstəm Badasyan Qarabağa gəlmiş, Xankəndidə terrorçu-separatçıların lideri Araik Arutyunyanla görüşmüşdü. Fransız, rus rəsmilərlə yanaşı həm də erməni rəsmilərin Qarabağa qanunsuz səfərləri nə zaman yekunlaşacaq və Azərbaycan bunun qarşısını almaq üçün hansı addımları atmalıdır? 

Azərbaycan Demokratik İslahatlar Partiyasının sədri, deputat Asim Mollazadə “Yeni Müsavat”a bildirdi ki, Azərbaycan Rusiya sülhməramlılarına bu istiqamətdə növbəti dəfə etirazını bildirməlidir və onların Laçın dəhlizindən keçib ərazilərimizə qeyri-qanuni keçidinə mane olmalıdırlar.

Mollazadə hesab edir ki, fransız deputatlar Qarabağa Azərbaycanın rəsmi icazəsi olmadan gəlməklə normaları pozurlar və qeyri-qanuni addım atırlar: “Laçın dəhlizinə nəzarəti gücləndirməyə ehtiyac var. Eyni zamanda, silahlı adamların keçib Qarabağa gəlməsi hallarına yol verilir və nəzarət tam təmin olunmur. Ümidvaram ki, Ağdamda yaradılan Monitorinq Mərkəzi də bu yöndə ciddi işlər görməlidir. Xarici işlər nazirimiz ATƏT sədri ilə görüşdə də qeyd etmişdi ki, Ermənistandan ərazilərimizə yük maşınlarında gizli şəkildə hərbçilər daşınır. Özü də bu məlumatlar erməni mənbələrindən yayılır. Erməni valideynlər övladlarının Qarabağa göndərilməsinə etiraz edirlər. Ona görə də həm onların, həm rəsmi şəxslərin Qarabağa qanunsuz gəlişi sülhməramlılar tərəfindən dayandırılmalıdır”.

AMİP sədri Arzuxan Əlizadə isə musavat.com-a bildirdi ki, Qarabağa qanunsuz səfərlər Azərbaycan üçün artıq həll olunmalı problemdən biridir. Onun sözlərinə görə, bizim ərazilərə rəsmi Bakının icazəsi olmadan daxil olmaq qanun pozuntusudur: “Bu haqda Azərbaycan dövlət başçısı da narazılığını bildirmişdi. Ardınca Rusiya xarici işlər naziri Sergey Lavrov söylədi ki, erməni rəsmilərin həmin yerlərə səfərində problem görmürük, kommunikasiyalar, əlaqələr olmalıdır. Ancaq Lavrovun mövqeyi Azərbaycan qanunlarına zidd açıqlama idi. Çünki sözügedən ərazilər Rusiya sülhməramlılarının məsuliyyət dairəsinə daxildir və kənar şəxs gəldikdə buna cavabdehliyi Rusiya rəhbərliyi daşıyır. Ona görə ortada 10 noyabr bəyanatı var və razılaşmaya zidd addımlara yol verilməsi Azərbaycan ərazilərinin toxunulmazlığının pozulmasıdır”.

Arzuxan Əlizadə

A.Əlizadə hesab edir ki, növbəti belə hal baş versə, Azərbaycan tərəfi rəsmi şəkildə Rusiyaya etiraz bildirməlidir və 10 noyabr bəyanatındakı  bəndlər yada salınmalıdır: “Hətta sülhməramlıların həmin ərazidən çıxarılması məsələsi masaya qoyula bilər. Çünki bu qanunsuz səfərlər və şərait yaradılması çox ciddi məsələdir”.

Xatırladaq ki, Prezident İlham Əliyev yerli və xarici jurnalistlər üçün təşkil olunmuş mətbuat konfransında sözügedən məsələyə toxunmuşdu: “Yenə də deyirəm, bəzi məsələlər var ki, Rusiyanın sülhməramlı qüvvələri bizim ərazimizə xarici vətəndaşların buraxılmasında o qədər də ciddi addımlar atmırlar. Bu, bizi narahat edir və bu narahatlığı da biz Rusiya tərəfinə çatdırırıq. Əminəm ki, vaxt keçdikcə, bu məsələlər də tənzimlənəcək”.

12 aprel

14:33 - Həbs edilən generalla bağlı tükürpədici açıqlama: - "İşgəncə verdiyi adam öldü"13:34 - "Bu işin başında da Putin durub" - "Xalqı xamlayıb, vətənpərvərlik nağılları danışırlar və..." 12:58 - Xocalı sakinləri doğma yurda qayıdır? - Qarabağdan sensasiyalı xəbər 12:15 - İlham Əliyev Hərbi Qənimətlər Parkının açılışını etdi10:58 - "Respublika" qəzetinə yeni baş redaktor təyin edildi - FOTO10:51 - Onlar yenə separatçıların yanında peyda oldu... - Qan iyinə gediblər? 09:52 - Hadı Rəcəblinin restoranında toy məclisi təşkil edilib - Saxlanılanlar var09:44 - Putin ordunu sərhəddə niyə yığır? - Alman nəşri şərh edir...09:37 - Rusiyanın ölü sükutu: "İsgəndər"in pultu kimin əlində olub?00:07 - "Ukraynanın fəaliyyəti Rusiya üçün potensial təhlükəlidir" - Peskov

11 aprel

22:12 - Azərbaycanlı səfir 250 min manata maşın aldı - FOTOLAR 22:10 - Ermənistanda rus generalın qızının meyiti tapıldı22:07 - Xankəndidə mənzillərin qiyməti ucuzlaşdı - YENİ QİYMƏTLƏR11:44 - Ərdoğan-Zelenski görüşünün nəticələri - 20 MADDƏ00:14 - Erməni məmur general Rüstəm Muradovu təhqir etdi - FOTO00:09 - Ermənilər qaçqınların Qarabağa qayıtmasının qarşısını necə alır? - Səfir şərh edir...00:06 - Türkiyə üçün çətin seçim: Rusiya, yoxsa ABŞ?00:01 - Lavrovu kimin əvəz edəcəyi bilindi - Putin komandasında nə baş verir?

10 aprel

23:06 - Azərbaycan snayperi erməni zabitini belə məhv etdi - VİDEO 21:59 - Hikmət Hacıyev yeni ailə quran cütlüyü təbrik etdi 19:02 - "Müharibə Rusiya üçün ağır nəticələrə səbəb olacaq:.." - "Ukrayna ilə Rusiya arasındakı müharibənin nəzarətdən çıxması riski var"18:26 - Almaniyada dəbdəbəli otel tikintisinə başlayıb yarımçıq qoyan azərbaycanlı kimdir? - "Bu, məni çox qəzəbləndirir"16:58 - Kim Çen In təhsil nazirini edam etdirdi 16:20 - Erməni deputat Naira Zöhrabyan: - "Mən Polad Həşimov küçəsində yaşayıram" 15:10 - "Həqiqətlərin çatdırılmasında Türkiyə mediası bizimlə birgə oldu" - Prezidentin köməkçisi 14:33 - Ukrayna ABŞ-dan 100 F-15 alsın, yoxsa Azərbaycanın taktikasından istifadə etsin?14:30 - Fuad Mayılov "fenomeni", YPX-dən günlük tələblər - BDYP-dən açıqlama verdi - YENİLƏNİB 13:47 - Neftçala ekoloji fəlakət astanasında - Xəzər dənizinin suyu Kür çayında 40 kilometr irəlilədi13:26 - Rusiya-Türkiyə münasibətlərinin Qərbə təsirləri - "Qarabağ münaqişəsində onlar fərqli tərəflərə dəstək olsalar da..."13:19 - Ermənistan parlamentinin əməkdaşı Tural Gəncəliyevi ölümlə hədələdi - FOTOLAR