“Fransa 300 ildə 30-dan çox ölkəni işğal edib” - Sərdar Cəlaloğlu

03 oktyabr, 2020 13:16

ATƏT-in Minsk qrupunun həmsədr ölkəsi Fransa və onun prezidenti Emmanuel Makronun münaqişəyə dair son mövqeyi ciddi etiraz doğurur. Çünki Dağlıq Qarabağ münaqişəsini sülh yolu ilə tənzimləməli olan həmsədr dövlətin başçısı “Qarabağın yenidən "ələ keçirilməsini" qəbul etməyəcəyik” bəyanatını verməklə işğalçı Ermənistanı dəstəkləmiş olub.

Maraqlıdır, Fransa Prezidentinin tutduğu mövqe və verdiyi bəyanatlar bu ölkənin münaqişənin nizamlanması prosesindəki beynəlxalq mandatına, neytral vasitəçilik missiyasına nə dərəcədə uyğundur?

Azsiyasət.com xəbər verir ki, Azərbaycan Demokrat Partiyasının (ADP) sədri Sərdar Cəlaloğlu məsələ ilə bağlı yenisabah.az-a açıqlamasında bildirib:

"Bu, təcrübəsizlikdən deyil, Fransanın öz tarixi təcrübəsindən və ənənəvi türk düşmənçiliyindən qaynaqlanır. Əgər Fransanın tarixinə baxsaq, görərik ki, fransızlar son 300 ildə təxminən 30-dan çox dövləti işğal edib, milyonlarla günahsız insanı öldürüb. İngiltərə ilə 100 il müharibə aparıblar. Təkcə Vyetnam ilə 10 il müharibədə olub. Almanlarla müharibədə 7 gün ərzində bütün Fransa işğal olundu və 4 il fransızlar öz ərazilərini işğaldan azad etmək üçün mübarizə aparsalar da,  ciddi nailiyyət əldə etmədilər. Sadəcə müttəfiqlər prosesə qoşulduqdan sonra Fransa işğaldan azad olundu. Fransa Ermənistanı ona görə dəstəkləyir ki, uzun müddət dövlətləri işğal edərək istismar etmə təcrübəsi var. Hələ bu günün özündə də Fransa Almaniyanın müəyyən torpaqlarını işğal edib. Onlar Azərbaycanın öz ərazilərini işğaldan azad etməsini başa düşmürlər. Çünki özləri öz torpaqlarını işğaldan azad edə bilməyiblər. Fransanın cənubunda Korsika var ki, xüsusi statuslu bölgədir. Korsikalılar ya müstəqil olmaq, ya da İtaliyaya birləşmək istəyirdilər. Uzun illər fransızlar onlara hər cür hərbi və siyasi yolla təzyiq göstərdilər və bu prosesə imkan vermədilər. Yəni Makron öz ölkəsinin təcrübəsindən çıxış edərək məlum mövqeyi ortaya qoyur. Əslində, burada təzə heç bir şey yoxdur. Fransadan başqa heç nə gözləmək olmaz”.

Minsk qrupu artıq faktiki olaraq buraxılmışdır

Həmsöhbətimiz vurğulayıb ki, artıq müharibə başladığına görə danışıqlar olmayacaq: “Azərbaycan Prezidenti də deyib ki, biz  ərazilərimiz tam işğaldan azad olunanadək danışıqlara getməyəcəyik. Bu da onu göstərir ki, artıq Minsk qrupunun  fəaliyyətinə ehtiyac yoxdur. Minsk qrupu faktiki olaraq buraxılmışdır. Biz ərazilərimizi azad etməkdə qətiyyətliyik və son erməni bizim ərazimizdən çıxana qədər müharibə davam edəcək. Dağlıq Qarabağı azad etməyimizlə Fransa barışmaya bilər. Bizim onunla xüsusi əlaqələr qurmağa ehtiyacımız yoxdur. Əksinə, Fransa uzun illər Azərbaycanla bağladığı iqtisadi müqavilələrdən milyardlarla pul qazanıb. Bizi əsas maraqlandıran azadlıqsevər xalqların Azərbaycanı necə dəstəkləməsidir. Bu gün Ukraynanın bizi dəstəkləməsi Fransadan min dəfə önəmlidir. Çünki Ukrayna da bizim kimi işğala məruz qalıb, o  ərazilərin işğal olunmasının nə demək olduğunu anlayır.  Həmçinin Gürcüstanın bizi dəstəkləməsi önəmlidir. Çünki Gürcüstan əraziləri də işğal olunub və bizimlə həmrəydirlər. Bu baxımdan bizdən çox-çox uzaq, demək olar ki, özünün də işğalçılıqdan ibarət bir tarixi olan, təcavüzə məruz qaldıqdan sonra öz ölkəsini azad etmək iqtidarına sahib olmayan bir xalqın nümayəndəsinin nə deməsinə əhəmiyyət vermək lazım deyil, əhəmiyyətsizdir”.

Başımızı aşağı salıb torpaqlarımızı azad etməliyik

ADP sədri qeyd edib ki, Azərbaycan Minsk qrupunun vasitəçiliyindən imtina etməlidir: “Minsk qrupu buraxılmalıdır. Azərbaycan müharibə yolu ilə ərazilərini işğaldan azad etmək məsələsində qərarlıdırsa, onda sual olunur ki, bu danışıqlar üçün yaradılmış Minsk qrupunun vasitəçilik missiyasının nə əhəmiyyəti var? Danışıq yoxdursa, bizim üçün de-fakto Minsk qrupu yoxdur. Ona görə də Fransanı həmsədr dövlət kimi yox, ermənilərin dostu kimi təqdim etmək lazımdır. Minsk qrupu Azərbaycanın işğal edilməsinə xidmət edən, uzun illər ölkəmizin əl-qolunu bağlayan və Ermənistanın zəbt etdiyi ərazilərdə möhkəmlənməsi üçün maliyyə dəstəyi göstərən dövlətlərdən təşkil olunub. Ona görə də bunlara əhəmiyyət verməməli, başımızı aşağı salıb torpaqlarımızı azad etməliyik”.

28 noyabr

01:26 - Ukrayna generalları Azərbaycan ordusunun Qarabağdakı döyüş təcrübəsini öyrənir00:08 - Paşinyan Moskvaya səfər edəcək

27 noyabr

21:53 - “Fransa Senatının qərarına etiraz əlaməti olaraq etiraz aksiyalar keçirilməlidir” 21:30 - Türkiyədən Fransa Senatının Bakıya qarşı düşmənçilik addımına SƏRT REAKSİYA21:18 - İllərlə qət edilən böyük uğurların izi ilə - FOTOLAR21:12 - Türk əsgəri Qarabağa nə vaxt gəlir? 21:09 - İranda nüvə alimi QƏTLƏ YETİRİLDİ17:04 - "Şuşa əməliyyatı göstərdi ki..." - İqor Korotçenko15:05 - “Paşinyan Zəngəzuru Əliyevə verəcək” - Ermənistanın keçmiş naziri13:35 - Ermənistanın ödəyəcəyi təzminat necə hesablanacaq? - ŞƏRH13:28 - Ararikin Moskva səfərinin pərdəarxası... -"Rusiya separatçı rejimi diriltmək istəyir"12:32 - “Ermənilər insan deyillər, işğalçıdırlar, vəhşidirlər” - Moldovalı ombudsman11:39 - Sabiq deputatımız ermənilərə un göndərirmiş? - ŞOK DETALLAR10:45 - Yeni nazir Rusiyanın adamıdır: Bakıda təhsil alıb10:40 - Azad olunmuş ərazilərdə dövlət sərhəddi təcili müəyyənləşməlidir, əks halda...00:30 - Erməni qoşunları Xankəndidəki uşaq bağçalarını MİNALAYIBLAR00:26 - Fransa qondarma "Dağlıq Qarabağ respublikası"nı tanımır - BƏYANAT00:21 - "Makron bu qətnaməni təsdiq edərsə, Türkiyə ordusu..." - Türk generaldan MÜHÜM AÇIQLAMA

26 noyabr

19:50 - Azərbaycan hərbçiləri Sotk qızıl mədənində? 19:45 - Azərbaycan Fransaya NOTA verdi 18:46 - Ermənistanda deputatlar arasında dava düşdü - VİDEO 16:01 - “Paris prosesi pozmağa, gərginlik yaratmağa cəhd edir” - Leonid Kalaşnikov13:47 - Düşmən Kəlbəcərdən sonra Laçında evləri yandırır... - FOTOLAR13:26 - Laçında nə baş verir? - “Hər şeyi son günə buraxdın ki...”12:47 - "Makron qudurub" - Deputat Aqil Abbas 12:43 - Həbsdəki həmkarlarının aqibətindən dərs götürməyən icra başçısı - Suraxanıda köhnə hamam məsələsidir...10:45 - "Senatın qərarı heç kim üçün faydalı olmayacaq" - Fransa XİN00:51 - "Kreml Qarabağ və Donbas arasında oxşarlıq görmür" - PESKOV00:46 - Ermənilər Xankəndinə niyə qayıdırlar? - Maraqlı açıqlama

25 noyabr

22:11 - "Bu qətnamə Azərbaycan üçün adi kağız parçasından başqa bir şey deyil" - Prezidentin köməkçisi