"Azərbaycanın qələbəsini həzm edə bilməyən dövlətlərin içimizə uzanan barmaqları hələ də öz işindədir" - Əziz Ələkbərli ilə MÜSAHİBƏ

08 dekabr, 2020 11:36

Milli Məclisin deputatı Əziz Ələkbərli Azsiyasət.com-un suallarını cavablandırır:

- Əziz müəllim, bəzi şəxslər Türkiyə sülhməramlılarının Qarabağa gəlməsini doğru addım hesab etmirlər. Məsələn, deputat Rasim Musabəyov və keçmiş xarici işlər naziri Tofiq Zülfüqarov buna ehtiyac olmadığını bildirirlər. Ümumiyyətlə, indiki situasiyada bu şəxslərin qalmaqallı mövqe ortaya qoyması təsadüfdür, yoxsa nə? Hətta R.Musabəyov belə bir ifadə də işlətdi: “Qarabağda ermənilərin yaşadıqları yerlərə türk sülhməramlılarının daxil olması o deməkdir ki, gəlin təzədən müharibə başlayaq”. Siz necə düşünürsünüz? Türk ordusu hansı səbəblərə görə Qarabağda olmalıdır?

- Mən inanmıram ki, bu gün Azərbaycanda siyasətdən az-çox başı çıxan elə adam ola ki, Türkiyə sülhməramlılarının Qarabağa, ümumiyyətlə Türkiyə qoşunlarının Azərbaycana gəlməsindən narahat ola. Ola bilər kim isə fikrini bir qədər düzgün ifadə edə bilməyib, yaxud kim isə bilərəkdən hansısa cümləni kontekstdən çıxarıb kimisə ləkələmək istəyir. Türkiyə qardaş ölkədir və Vətən müharibəsinin bütün gedişi ərzində Türkiyə dövlətinin siyasi, Türkiyə vətəndaşının mənəvi, Türkiyə mediasının informasiya dəstəyi həmişə göz qabağında olub. Bunu kim inkar edə bilər? Siz özünüz də etiraf edirsiniz ki, deputat R.Musabəyov “Qarabağda ermənilərin yaşadıqları yerlərə türk sülhməramlılarının daxil olması”ndan bəhs edib. Onda gəlin bunu müzakirə edək. Yoxsa ki, “Qarabağda ermənilərin yaşadıqları yerlər” demək, heç də bütövlükdə Qarabağ demək deyil, axı. Qarabağ çox geniş ərazidir. Hətta bəziləri bunu guya kiminsə “Türkiyə qoşunları Azərbaycanda olmamalıdır” deməsi kimi də yozur. Bu, birbaşa təxribatdır. Ümumiyyətlə, mən son zamanlar bəzi qüvvələrin məqsədli şəkildə “qaşınmayan yerdən qan çıxarmaq” cəhdini hiss edirəm. Xüsusilə deputatların çıxışları tez-tez qərəzli şəkildə təftiş və təhrif olunur. Halbuki bu 44 gün ərzində deputatların əksəriyyətinin nə gecəsi oldu, nə gündüzü, deputatlar düşmənə qarşı informasiya mübarizəsində cənab Ali Baş Komandanın ən etibarlı əsgərləri kimi əllərindən gələni etdilər, efirdə, ölkə və xarici mediada minlərlə çıxışlara imza atdılar. Başda sədr Sahibə xanım olmaqla, Milli Məclisin bütün aparatı gərgin işlədi. Amma görünür, kimlərsə bütün bunları həzm edə bilmir. Bu da təbiidir. Azərbaycanın Vətən müharibəsindəki möhtəşəm qələbəsini həzm edə bilməyən dövlətlərin içimizə uzanan barmaqları hələ də öz işindədir. Hər kəs bilsin ki, Azərbaycan-Türkiyə qardaşlığı əbədidir və bu birliyə, bu qardaşlığa heç bir qüvvə xələl gətirə bilməz.

- Ermənistanda Paşinyan devrilsə, bu, Qarabağdakı ümumi vəziyyətə necə təsir edə bilər? Nəzərə almaq lazımdır ki, hazırda Ermənistanda hakimiyyətə iddialı bəzi siyasətçilər gələcəkdə güclənərək Azərbaycan və Türkiyədən qisas alacaqlarını da iddia edirlər.

- Bu gündən sonra Ermənistanda hakimiyyətə kim gəlirsə-gəlsin, nə bölgədə, nə də Qarabağda heç nəyi dəyişə bilməz. Əksinə, ya ağıllarını başlarına yığıb Azərbaycanın regionda açdığı və açacağı böyük qardaşlıq süfrəsinin qırağında oturub qırın-qırtıdan yeyəcəklər, ya da bu 44 gündə aldıqları dərsin on qatını alacaqlar. Ermənistanın gələcəkdə güclənib Azərbaycan və Türkiyədən qisas alacaqları fikri də nağıldır. Növbəti erməni nağılı. Artıq dünya çətin ki, belə nağıllara inansın, elə Ermənistanda da belə nağıllara inananların sayı getdikcə azalacaq.

- Müharibə bitdi, qələbə əldə etdik. Amma bizi qarşıda mühüm, ağır mərhələ gözləyir. Qarabağ abad edilməlidir, ümumilikdə, ölkə ərazisində daha möhkəm iqtisadi-sosial inkşafa nail olunmalıdır. Müharibənin nəticələri aradan qaldırılmalıdır. Əhalinin sosial rifah halı yaxşılaşdırılmalıdır. Nələrə diqqət etməliyik, hansı addımları atmalıyıq?

- Bu 44 günlük müharibədə əldə etdiyimiz qələbə möhtəşəm oldu. Biz təkcə döyüş meydanında qələbə çalmadıq, həm də ruhumuzda, düşüncəmizdə qələbə çaldıq. Biz təkcə işğal altındakı 20 faiz torpaqlarımızı təzədən qazanmadıq, biz həm də milli birliyimizi qazandıq, müzəffər ordumuzu qazandıq, xalqı, ordunu və hakimiyyəti dəmir yumruq kimi birləşdirən Ali Baş Komandanımızı qazandıq. Bundan sonra bu xalqın, bu dövlətin qarşısında hansı çətinlik dayana bilər? Müharibə başlayanda hamı Qarabağa döyüşə getmək istəyirdi, müharibə başa çatıb, indi yenə də hamı Qarabağa getmək istəyir. Amma bu dəfə Qarabağı abadlaşdırmaq üçün, Qarabağda işləmək üçün, Qarabağda yaşamaq üçün. Hər kəs hiss elədi ki, bu illər ərzində Azərbaycan orduya nə qədər vəsait sərf edibmiş. Bununla belə, Azərbaycan bütün sahələr üzrə durmadan inkişaf edib, böyük iqtisadi yüksəliş yolu keçib. Həm də bunu ərazilərimizin beşdən biri işğal altında, əhalimizin beşdən biri qaçqın, köçkün vəziyyətində olarkən edib. Amma indi ərazilərimiz beşdə bir nisbətində artıb, o ərazilərdə azı bir milyon insan məskunlaşacaq, yüz minlərlə insan istehsala cəlb ediləcək. Həm insanlarımız varlanacaq, həm də dövlətimiz. İnsanların sosial rifahı isə həmişə dövlətin diqqət mərkəzində olub, bundan sonra daha çox olacaq. Hər kəs əmin olsun ki, müharibənin nəticələri qısa vaxtda aradan qaldırılacaq və məcburi köçkünlərimiz öz dədə-baba ocaqlarına geri dönəcəklər. Bütün bunlar dövlətin qəbul edəcəyi Böyük Qayıdış planı çərçivəsində həyata keçiriləcək.

20 may

12:25 - Nəcməddin Sadıkov Xüsusi Təyinatlı Qüvvələri ləğv etdirmək istəyirmiş... şok detallar12:15 - Blinkendən qorxulu açıqlama: Ukrayna yox ola bilər, əgər Rusiyaya...12:05 - “Avroviziya”dakı qalmaqalın səbəbi açıqlandı12:00 - Ermənistanda generalın oğlu həbs edildi11:55 - İlham Əliyev ICESCO-nun Baş direktorunu qəbul etdi11:40 - İtaliya səfiri İrəvanda qəzaya düşdü11:15 - Bakıdan İrəvana gedən Litva Prezidenti aksiya ilə qarşılaşdı - Video10:55 - "Rusiya NATO-ya üzv olmaqdan özü imtina edib" - ABŞ Dövlət katibi09:12 - ABŞ Ermənistanda hakimiyyət dəyişikliyi istəmir - Səfirin fikirlərini belə şərh edirlər 09:09 - Azərbaycanda dollar almaq əngəli - Absurd tələb niyə ləğv olunmur?01:26 - "ABŞ qoşunları Ukraynada döyüşməyəcək" - Pentaqon01:24 - NATO Baş kaibi Türkiyənin strateji əhəmiyyətindən danışdı01:22 - Rusiya Moldovaya müdaxilə edəcəkmi? - Makron

19 may

23:34 - Brüsseldə İlham Əliyev, Şarl Mişel və Paşinyanın görüşü olacaq23:30 - "İrəvan Moskvanın təhriki ilə Brüsseli neytrallaşdırır" - "Caliber"23:28 - Xoşqədəm Hidayətqızının həbsi tələb olunur - Xüsusi ittiham qaydasında məhkəməyə verildi17:45 - Baş Prokurorluq məhkəməyə müraciət etdi - Alimpaşa Məmmədovun həbs müddəti uzadıldı17:30 - Elman Rüstəmovun qızının borcu 15 milyona çatır – Fotofakt17:15 - Çindən Rusiyaya ixrac kəskin azalıb - Pekin Qərbin sanksiyalarından qorxur17:00 - Kreml “Şimal Axını-2” kəmərinin fəaliyyətə başlayacağına ümid etmir 16:45 - Ukraynadakı müharibəni dayandırmağa kimlər mane olur? - “Bloomberg”16:30 - Azərbaycanda SAT-ın imtahan suallarını satanlar həbs edilib16:15 - “Rusiya Kiyevlə danışıqlara hazırdır“ - Rudenko16:00 - Z və V hansı mənanı daşıyır? - Rusiya MN-dən açıqlama15:45 - Ermənistanın sərhəd komissiyasının tərkibi müəyyənləşdi15:30 - “Əks-hücum daha çox vaxt tələb edir...” – Ukraynanın yaxın üç aya aid planları məlum olub15:15 - İran sərhədçilərinin öldürdüyü Mircavadın 22 yaşı olub15:00 - Prezidentin yüksək vəzifəyə təyin etdiyi Şahin Əliyev kimdir? - dosye14:40 - "Nə Aİ, nə də NATO Rusiya ilə müharibə istəyir" - Fransa XİN14:20 - "İsveç tamamilə terror yuvasıdır" - Türkiyə Prezidenti