Səngiməyən qiymət artımı: "Vətəndaşları mövcud bahalaşma ilə üz-üzə buraxmaq düzgün olmaz" - MÜSAHİBƏ

12 yanvar, 2022 12:07

“Yeni iş yerlərinin açılması, istehsalın əsas məqsədə çevrilməsi və maddi rifahın yüksəldilməsi ölkənin iqtisadi-sosial inkişafına müsbət təsir edə bilər”.

Bu sözləri ölkədə müşahidə olunan bahalaşma tendensiyana təsir edən amilləri dəyərləndirən “VECON CONSULTING” şirkətinin direktoru, Azərbaycan Qiymətləndiricilər Cəmiyyətinin sədr müavini, iqtisadçı Vüqar Oruc Yenicag.az-a müsahibəsində deyib.

Həmin müsahibəni təqdim edirik:

– Çörək və unun qiymətinin bahalaşması cəmiyyətdə birmənalı qarşılanmadı və narazılığa səbəb olub. Sizcə, bahalaşmanın səbəbi nədir?

– Un və un məmulatlarının bahalaşması istehlak bazarında digər məhsulların da bahalaşmasına yol açan bir amildir. Çünki bu ildən etibarən bir sıra büdcə təşkilatlarının pensiya və sosial təminat ödənişlərində müvafiq artımlar olacaq. Eyni zamanda, çalışan şəxslərin böyük qisminin əməkhaqqında artım gözlənilir. Dövriyyədə olan pul kütləsinin artması fonunda inflyasiya faizi yüksəlir. Bu isə məhsulların qiymətinə birbaşa təsir göstərəcək. Əslində, bu proses təkcə ölkəmizlə bağlı deyil. Mövcud şəraitdə bahalaşma tendensiyası dünya bazarında da aktualdır. Dünya ölkələrinin əksəriyyəti strateji məhsulların ixracına müəyyən vergilər tətbiq ediblər. Bu həmin məhsulların mühafizəsini təmin etmək üçündür. Un və un məmulatları da strateji məhsullardan hesab olunur, hər bir ölkə üçün vacibdir. Bu baxımdan, əksər ölkələrin çörək və taxıl fondları mövcuddur.

– Sizcə, bahalaşma daha çox hansı sahələrdə baş verəcək?

– Hesab edirəm ki, yanvar ayından etibarən bahalaşma bütün istiqamətlərdə baş verəcək. Bu tendensiyanın qarşısını almaq üçün dövlət vətəndaşların marağını qorumaq naminə müəyyən addımlar atır. Uzun müddətdir ki, dövlət subsidiyalar vermək və yardım etməklə ayrı-ayrı strateji sahələri ayaqda saxlayıb. Bu sahələrdə qiymətin əlçatan olması üçün stimullaşdırıcı tədbirlər həyata keçirilib. Hazırki şəraitdə ərzaq sahələrini qorumaq deyil, əhalinin maddi rifah halını yüksəltmək üçün addımlar atılmalıdır. Çünki tənzimlənən qiymətlər gec və ya tez azad rəqabət mühitinə qarşı dayanıqlı ola bilməyəcək. Yeni iş yerlərinin açılması, istehsalın əsas məqsədə çevrilməsi və maddi rifahın yüksəldilməsi ölkənin iqtisadi-sosial inkişafına müsbət təsir edə bilər.

– Vüqar bəy, mövcud bahalaşmada sui-istifadə halları varmı?

– Əslində, əhali bahalaşmaya hazır olmalıdır və bu bahalaşmanın süni olmadığını bilməlidir. Dünyada baş verən proseslər, enerji daşıyıcılarının qiymətindəki artım, bəzi dövlətlərin milli valyutalarında yaşanan ucuzlaşmalar bahalaşmaya təkan verən amillərdəndir. Pandemiyadan sonra bütün dövlətlərdə valyutaların alıcılıq imkanları aşağı düşüb və bu, təbiidir. Bütün hallarda, vətəndaşları mövcud bahalaşma ilə üz-üzə buraxmaq düzgün olmaz. Ona görə də əhaliyə dəstək üçün müəyyən addımların atılacağı gözləniləndir. Yaxşı olardı ki, daha çox zəruri xərclər müəyyən olunsun və buna uyğun tədbirlər planı hazırlansın.

29 noyabr

15:57 - NATO İrana xəbərdarlıq edib10:22 - Azərbaycan və ABŞ arasında hərbi əməkdaşlığın perspektivləri müzakirə olunub00:16 - Yerevan sülh müqaviləsi layihəsinə dair təkliflərinə Bakıdan cavab alıb00:11 - İran Rusiya ilə 300 milyonluq memorandum imzaladı00:08 - Rusiya anlamamaqda israr edir - Müdafiə Nazirliyindən növbəti etitraz

28 noyabr

16:46 - "İsraillə əlaqələrdə diqqətli olun" - İrandan Bakıya16:42 - "İnanmıram ki, cinsi azlıq nümayəndəsi Milli Məclisə düşə bilsin" - Deputat16:35 - İran İlham Əliyevdən niyə qorxur? - Post TV09:59 - Qarabağda orfoqrafiya dərsləri davam edir09:58 - Çin və Vatikan arasında gərginlik - İzahat tələb etdilər09:53 - Təşkilat hibrid hücumları dəf etməyə hazır deyil

27 noyabr

02:09 - Soros Fondu daha bir ölkədən gedir - "Kommersant" nəşri02:05 - Blinken məhz Nikola çağırış etdi, nəsə düz deyil - Erməni professor02:01 - Avropada Rusiya neftinə görə fikir ayrılığı yarandı

26 noyabr

13:02 - Ermənilərə məxsus kvadrokopter vuruldu12:54 - İlham Əliyevin İranla bağlı fikirlərində iki strateji amil...11:47 - Müdafiə Nazirliyi açıqlama yaydı11:26 - Rusiya sülhməramlılarından Azərbaycana qarşı təxribat...11:22 - Ermənilər təşvişdə - "Laçın dəhlizi" bağlansa..."

25 noyabr

13:20 - "İranda yaşayan azərbaycanlıların müdafiəsi üçün əlimizdən gələni edəcəyik" - Azərbaycan lideri13:15 - Vasif Talıbovun oğlu da dindirilib13:13 - "Makronun iştirakını istəyir deyə o görüş olmayacaq" - İlham Əliyev03:24 - Bu ölkə Rusiyanı terror dövləti kimi tanıdı03:19 - Suriyadan Azərbaycana gətirilən 16 nəfər kimlərdir?03:15 - Müdafiə Nazirliyindən Rusiya sülhməramlılarına etiraz...03:12 - BMT İranda araşdırmalara başladı

22 noyabr

13:53 - Fərhad Əhmədovun atası niyə güllələnib? 13:49 - "İrandakı rejim indi zəifdir, Azərbaycan isə yüksələn gücdür" - Amerikalı ekspert10:23 - Deputatlar yayayış minimumunu 36 manat qaldırır - "Təbii ki, bu məbləğlə normal yaşamaq mümkün deyil"10:20 - "Şeytan yuvası"nda "rus mərkəzi" açıldı - Xankəndidə növbəti təxribat...