70 yaşlı Pənahov vəzifəsindən gedəcək? - 20 illik sədrlik bitdi

16 aprel, 2021 10:09

Aprelin 15-də Mərkəzi Seçki Komissiyasının indiki tərkibinin səlahiyyət müddəti başa çatdı; 2000-ci ildən MSK-ya sədrlik edən Pənahovun vəzifəsindən gedəcəyi deyilir...

Aprelin 15-də Mərkəzi Seçki Komissiyasının indiki tərkibinin səlahiyyət müddəti başa çatıb. Qanunauyğun olaraq, komissiyaya sədr və üzvlər ilk iclasda seçilməlidir. Mərkəzi Seçki Komissiyasının (MSK) tərkibinin parlamentin yaz sessiyasında formalaşdırılacağı proqnoz edilsə də, bu, hələ gerçəkləşməyib.

Amma Seçki Məcəlləsinə görə, MSK-nın tərkibi yeni seçilmiş Milli Məclisin tərkibinə uyğun olaraq formalaşdırılmalıdır. MSK-nın üzvləri Milli Məclis tərəfindən seçilir. Komissiyanın 6 üzvü deputatları Milli Məclisdə çoxluq təşkil edən və onların namizədliklərini təqdim edən siyasi partiyanı, 6 üzvü heç bir siyasi partiyaya mənsub olmayan (müstəqil) və onların namizədliklərini təqdim edən deputatları, 6 üzvü deputatları Milli Məclisdə azlıq təşkil edən və onların namizədliklərini təqdim edən siyasi partiyaları təmsil edir. Müstəqil deputatları MSK-da namizədlikləri onlar tərəfindən irəli sürülmüş müstəqil, dövlət qulluğunda olmayan, bir qayda olaraq, hüquqşünaslar təmsil edirlər. 2 namizəd maraqlı tərəflərlə razılaşdırılır: bir namizəd Milli Məclisdə çoxluq təşkil edən siyasi partiyanın nümayəndələri ilə, digər namizəd isə deputatları Milli Məclisdə azlıq təşkil edən siyasi partiyanın nümayəndələri ilə.

Bəzi iddialara görə, bir neçə gün əvvəl 70 yaşının tamam olması münasibətilə ölkə Prezidenti tərəfindən “Şərəf” ordeni verilən MSK sədri Məzahir Pənahov vəzifəsindən gedəcək. Yeni MSK-ya onun namizədliyi verilməyəcək. Qeyd edək ki, Məzahir Pənahov 1998-2000-ci illərdə MSK-nın Beynəlxalq Əlaqələr İdarəsinin rəisi işləyib. 2000-ci il mayın 19-da MSK üzvü təyin olunub və həmin gün komissiyaya sədr seçilib. 21 ildir MSK-ya sədrlik eləyən Məzahir Pənahov bu müddət ərzində 3 referendum (2002, 2009, 2016), 4 prezident (2003, 2008, 2013, 2018), 5 parlament (2000, 2005, 2010, 2015, 2020) və 4 bələdiyyə (2004, 2009, 2014, 2019) seçkisi keçirib. M.Pənahovdan öncə MSK-nın sədri Cəfər Vəliyev olub.

Lakin Mərkəzi Seçki Komissiyasının yenidən formalaşacağı, məsələnin Milli Məclisin gündəliyinə nə zaman çıxarılacağı barədə rəsmi məlumat yoxdur.

Parlamentdə 1 mandatla təmsil olunan Milli Cəbhə Partiyasının sədri Razi Nurullayev bir müddət əvvəl bildirmişdi ki, MSK-nın yenidən formalaşdırılmasının nədən gecikdiyi barədə onda dəqiq məlumat yoxdur: “Milli Məclisə seçkilərdən sonra seçki komissiyaları da yenidən formalaşdırılmalı idi. Yəqin ki, hələ bu məsələnin həllini tapmamasının səbəbləri var və o səbəblər mənə məlum deyil. Bizim Mərkəzi Seçki Komissiyasında təmsil olunmaq iddiamız var. Təbii ki, bunun üçün müraciət ediləcək. Nəticəsinin nə olacağını isə deyə bilmərəm. Amma bizim təbii ki, MSK-da, DSK-larda və məntəqə seçki komissiyalarında təmsil olunmaq iddiamız var. Bu hüququmuzdan istifadə etmək niyyətindəyik. O ki qaldı Məzahir Pənahovun yenidən MSK sədri olub-olmayacağına, bu, mənim səlahiyyətimdə olan məsələ deyil. Bu məsələ ilə bağlı məlumatım yoxdur. Bunu aidiyyəti instansiyalar daha yaxşı bilir”.

Natiq Cəfərli

Milli Məclisdə 1 mandatla təmsil olunan REAL Partiyasının icra katibi Natiq Cəfərli isə deyib ki, yeni MSK-da Məzahir Pənahovun olmayacağı istisna deyil: “Məzahir Pənahovun həm yaşına, həm uzunmüddətli fəaliyyətinə görə artıq MSK-dan kənarda qalması ehtimalı var. Təbii ki, bu barədə qərarı biz vermirik”.

Qeyd edək ki, REAL dairə seçki komissiyalarında (DSK) təmsil olunmaq üçün MSK-ya müraciət də edib. Müraciətdə qeyd olunub ki, Milli Məclisə 2020-ci il fevralın 9-da keçirilmiş seçkilərdə Erkin Qədirli 16 saylı Yasamal Birinci Seçki Dairəsindən deputat seçilib. E. Qədirli 31 avqust 2020-ci ildən qeydiyyata alınmış REAL Partiyasının üzvüdür. Parlament partiyaları üçün nəzərdə tutulan dövlət vəsaitinin bir hissəsi REAL Partiyasına ayrılır.

Müraciətdə bildirilir ki, hazırda parlamentdə deputatları azlıq təşkil edən 10 siyasi partiya var və bəzi digər parlament partiyalarından fərqli olaraq REAL hələ də dairə seçki komissiyalarında təmsil olunmur. 125 DSK-da təmsilçilik 10 partiya arasında bölüşdürülməlidir: “Bu baxımdan ən azından 12 dairənin hərəsinə 3 nəfər DSK üzvlüyünə namizəd təqdim etmək istəyirik. Toplam 37 nəfər DSK üzvlüyünə namizədimizi 12-dən çox sayda DSK üzrə təqdim edə bilərik”.

Müraciətdə məsələnin müzakirəsi üçün MSK-dan görüş istənilir.

Musavat.com

09 may

01:52 - "Xain əllər kökündən kəsiləcək" - Ərdoğan00:52 - AzTV-də yoxlamalar başladı - Xəbər rəsmən təsdiq olundu 00:49 - İran maşınları Qarabağa yük daşımır - Səfirlik00:34 - Bakı metrosunda gediş haqqı 97 qəpik olacaq? - RƏSMİ CAVAB

08 may

17:45 - İlham Əliyev Putinə yazdı: "Xalqlarımız sınaqdan şərəflə keçdilər"17:41 - Azərbaycanın maşın karvanı Xankəndi ərazisinə daxil oldu, ermənilər təşvişə düşdü - VİDEO 17:39 - Mehriban Əliyevadan Şuşa ilə bağlı paylaşım - VİDEO 08:26 - Azərbaycanın ən məntiqsiz layihəsi - Təcili imtina edin!08:24 - General Muradovun göstərişi icra olunmadı - Gərginlik00:14 - "Azərbaycan erməni diversantlar müqabilində bu əraziləri tələb edir" - Rusiya nəşri00:12 - Nəcməddin Sadıqovun yerinə niyə təyinat yoxdur? 00:11 - Hikmət Hacıyev bərpa olunan Şuşadan şəkillər paylaşdı - FOTOLAR

07 may

14:24 - Bakı merinin kürəkıninə hədiyyə etdiyi imarətdə asılmış meyit tapılıb 14:21 - Azərbaycan sülhməramlıları Əfqanıstandan çıxarılır - RƏSMİ13:23 - Ramiz Mehdiyev 17 minlik sərgi keçirir - Şübhəli müqavilə 13:20 - Şuşa Azərbaycanın mədəniyyət paytaxtı oldu - SƏRƏNCAM 10:32 - 80 minlik rus qoşunu sərhəddə hazır gözləyir: "Rusiya istəsə, qısa müddət ərzində bunu edəcək"10:22 - İcra başçısı qəhrəman zabitə süpürgəçi "vəzifəsi" verdi - FOTOLAR 01:21 - Arif Quliyev vəfat etdi00:32 - Ukrayna üçün NATO-nun qapıları açılır - ABŞ dəstək verdi 00:30 - Daha bir itkin zabitimizin şəhid xəbəri gəldi - FOTOLAR 00:25 - Mətanət İsgəndərlinin gəlininin meneceri həbs edildi - FOTO00:19 - "Ermənilər Moskvaya hörmət etmir, Njdenin abidəsi parçalanmalıdır" - Yevgeni Mixaylov00:16 - "Latviya hökumətinin qondarma "erməni soyqırımı" barədə qərarını rədd edirik" - Hülusi Akar

06 may

18:07 - Xalidə Bayramova işdən çıxarıldı 16:31 - Ərzaq məhsulları ən yüksək həddə bahalaşdı - STATİSTİKA 16:24 - "Vətəndaş düşünür ki, dövlətin var, amma vermir..." - İlqar Məmmədov15:10 - Məhkəmə önündə gərginlik: bir nəfər saxlanıldı - FOTO 14:55 - "Qarabağda kiçik insidentlər dərhal həll edilir" - Sergey Lavrov11:17 - Minsk qrupunun həmsədrləri siyasi dialoqun bərpasına çağırırlar