Şəhid polisin xanımının Vilayət Eyvazovun qəbuluna düşməsinə kim mane olur - NAZİRƏ MÜRACİƏT

13 yanvar, 2021 12:16

Birinci Qarabağ müharibəsində şəhid olmuş polis leytenantı Sadıqov Nurəddin Oruc oğlunun həyat yoldaşı Sadıqova Kifayət Əli qızı Azərbayсan Respublikasının Daxili İşlər naziri general-polkovnik Vilayət Eyvazova müraciət ünvanlayıb.

Azsiyasət.com dominant.az-a istinadən müraciətin mətnini olduğu kimi təqdim edir:

“Cənab Daxili İşlər naziri Vilayət Eyvazov!

Həyat yoldaşım polis leytenantı Sadıqov Nurəddin Oruc oğlu Birinci Qarabağ müharibəsinə növbədənkənar qatıldı və 1992-ci ildə Ağdamın Abdal-Gülablı kəndinin müdafiəsi uğrunda gedən döyüşlərdə şəhid oldu. Onun ruhuna ehtiram olaraq 1999-cu ildə bizə doğulduğu Tovuz rayonu Alakol kəndində əkin üçün 0.38 ha kənd təsərrüfatı təyinatlı torpaq sahəsi verdilər. Torpaq sənədləşdirildi, Torpağa mülkiyyət hüququna dair Dövlət Aktı, Dövlət reyesterindən Çıxarış və digər bütün sənədlər oğlumuz Rəşad Sadıqovun adına özəlləşdirildi.

Buna baxmayaraq, illərdi torpağımızdan istifadə edə bilmirik. Çünki torpağımız Rusiyada yaşayan, ikili vətəndaşlıq daşıyan (həm Azərbaycan, həm Rusiya) iş adamı, “Haça-Qaya-1” kiçik müəssisəsinin təsisçisi Eldar Sadıqov tərəfindən zəbt olunub. Qarabağ müharibəsində bir gün belə iştirak etməyən, savaş gedən vaxtı Rusiyada başı biznes qurmağa, sərvət yığmağa qarışmış Eldar Sadıqov torpaq bölünəndən sonra iddia edib ki, torpaq 1996-cı ildə ona verilib. Halbuki torpağın Eldar Sadıqovun adına Dövlət aktı barədə arxivdə və mövcud elektron bazada heç bir məlumat aşkar edilməyib. Heç 1996-cı ildə kolxoz və sovxoz mülkiyyətində olan torpaqların kimlərinsə mülkiyyətinə verilməsi mümkün olmayıb.

Cənab nazir!

İllərdir ki, bu haqsızlıqla üz-üzəyik. Bu müddət ərzində qapısını döymədiyim dövlət qurumu qalmayıb. Dörd ilə yaxındır ki, məhkəmə qapılarında qalmışıq, artıq məhkəmə iclaslarının sayını belə itirmişəm. Puluna güvənən Eldar Sadıqov illərdir ki, bizi arxasız, kimsəsiz, pulsuz görüb əzməklə məşğuldur, hətta şah hesab olunan qanunları belə satın alıb. Belə ki, Tovuz Rayon Məhkəməsinin (Ədil Məmmədov), Gəncə İnzibati-İqtisadi Məhkəməsinin (Rəşad Mamedov), Gəncə Apelyasiya Məhkəməsinin (İspəndiyar Səfiyev) hakimləri dövlət qurumları tərəfindən mənə verilmiş torpağa aid sənədlərə əhəmiyyət vermədən qarşı tərəfin xeyrinə qərar çıxarıb. Bu səbəbdən Gəncə Apelyasiya Məhkəməsindən Ali Məhkəməyə kasasiya şikayəti vermişik və indiyə qədər düz 3 dəfə Ali Məhkəmə Gəncə Apelyasiya Məhkəməsinin haqsız qərarına xitam verib.

Hörmətli Vilayət Eyvazov!

Mənə, “Nə olsun ki, şəhid ailəsisən. Sən kimsən ki, sənə torpaq veriblər?! Torpaq sahəsi mənimdir. İstəyirsən get ver məhkəməyə, onsuz da hər yerdə mən qalib gələcəm” – deyərək sağalmaz söz yarası vuran, xəstəliyə salan Eldar Sadıqov bizi kimsəsiz gördüyündən başımıza bu oyunları açır. Mən də, həyat yoldaşım Daxili İşlər Nazirliyinin əməkdaşı, polis olduğuna görə bu qurumu özümə arxa-dayaq bilmişəm, illərdir Daxili İşlər nazirinin ünvanına məktublar ünvanlamışam, nazirin qəbuluna düşmək üçün dəfələrlə müraciət etmişəm. Təəssüflər olsun ki, həm Sizdən öncəki nazirin, həm də Sizin qəbuluna düşməyim mümkünsüz olub, məktublarım isə Təhlükəsizlik İdarəsinə, Abşeron Rayon Polis Şöbəsinə, Tovuz Rayon Polis Şöbəsinə yönləndirilib. Həmin qurumlarda qəbul olunmuşam, ancaq heç bir nəticəsi olmayıb.

Cənab nazir!

Sonuncu dəfə ötən il Sizin qəbulunuza düşmək üçün müraciət etdim, düşündüm ki, məni bir ana, bir bacı kimi dinləyib, dərdimə çarə edə bilərsiniz. Lakin sizinlə də aramıza “sədd çəkdilər”, iki gün səhərdən axşama qədər soyuqda, yağışın altında nazirliyin binasının qarşısında gözləsəm də, qəbulunuza düşə bilmədim. Birinci gün qəbulunuza yazılmaq üçün axşam saat 9-a qədər gözlədim, qəbul günü isə bəzi şəxsləri qəbul etdilər, məni yox, ağlaya-ağlaya geri qayıtdım. Nazirliyin kadrlar şöbəsində Aybəniz adlı bir xanımla da dəfələrlə telefonla danışmışam, dərdimi demişəm, xahiş etmişəm ki, qəbulunuza düşməyə kömək etsin, ancaq o da heç bir kömək etməyib.

Hörmətli nazir!

Çarəsiz qaldığımdan Sizə media vasitəsiylə müraciət etməyə məcbur oldum. Sizdən artıq dərəcədə xahiş edirəm ki, şəhidimin ruhunu şad etmək üçün, işlərinizin çoxluğuna baxmayaraq, məni bir neçə dəqiqəlik olsa belə, qəbul edəsiniz, dərdimi dinləyəsiniz. Öncədən həm öz adımdan, həm də övladlarım adından Sizə təşəkkür edirəm!

Hörmətlə: Sadıqova Kifayət Əli qızı”

17 yanvar

12:18 - Azərbaycanda dələduzlar bank kartlarındakı məlumatları necə ələ keçirirlər?11:43 - "Rusiya sülhməramlıları Azərbaycanın suverenliyini pozurlar" - Narazılıq artır05:52 - "Qarabağın bərpası üçün Bakının vəsaiti bəs edəcək, İrəvanın revanş cəhdi isə..."05:46 - "Paşinyan vəzifədən getsə, belə ordu ilə kim müharibəyə başlayacaq?" - Manukyan05:41 - Rusiya Müdafiə Nazirliyindən Qarabağla bağlı AÇIQLAMA

16 yanvar

20:01 - "Laçın dəhlizi terrorçuların, silahlı şəxslərin nüfuz etdiyi və silahların daşındığı bir qapı olmamalıdır" - KOROTÇENKO 18:24 - Azərbaycan Ermənistanı Avropa Məhkəməsinə verdi15:44 - KİVDF və "Azərxalça" ASC-də korrupsiya mexanizmi - Müşahidə Şuralarının üzvləri hara baxıb?13:58 - "Sosial şəbəkə istifadəçiləri kordur, mən neyləyim?" - Bayram Səfərov13:47 - "Ermənistan Azərbaycanla bacara bilməz, yeganə yol Rusiyanın..." - Erməni jurnalistdən SENSASİON ETİRAF11:43 - "Küçələrdə veyillənənlərə fəxri ad vermək olmaz" - Xalq artisti Şeyx Əbdül10:43 - Fransada daha doqquz məscid BAĞLANDI 10:41 - Kafe-restoranlar açılır10:20 - Paşinyanın arvadının sirli Moskva səfəri - Nikol Rusiyayamı sığınır?10:13 - Azərbaycanda sərtləşdirilmiş karantin rejimi ləğv olunur? 00:08 - "Paşinyan, Əliyevlər Şuşaya gəlib, bəs sən hardasan?" - Artak Zakaryan

15 yanvar

19:32 - Prezident Cıdır düzündə çay içdi - VİDEO 16:59 - “Jurnalistlər binası”ndakı bəzi mənzillər hazırkı sahiblərindən geri alına bilər" - ŞOK AÇIQLAMA16:04 - Regionda birgə inkişaf: Ermənistanın dirçəlməsi bizə nə vəd edir? - I HİSSƏ - TƏHLİL 15:03 - Yerevan supermarketində "Azərbaycan hərbçiləri"? - Ermənistanda panika14:57 - Prezident Şuşada nəyə əsəbləşdi - VİDEO 13:15 - Azərbaycanlı və erməni ziyalıları görüşsün - Moskvadan TƏKLİF12:44 - “Güllələnmiş heykəllər” Şuşaya qaytarıldı - FOTOLAR 11:58 - Prezident Füzuli-Şuşa yolunun və hava limanının təməlini qoydu - FOTOLAR 11:27 - Prezidentlə xanımı azad edilmiş torpaqlarda - VİDEO 01:51 - Şadlıq evlərinə zənglərin ardı-arası kəsilmir - Toylar başlayır?01:48 - ABŞ İrana qarşı yeni sanksiyalar tətbiq etdi00:48 - "Həmsədrlərdən imtina bizə lazım deyil" - "Gəlsinlər, getsinlər, biz isə öz işimizi davam etdirək..."00:43 - Rəsmi Bakıdan sərt XƏBƏRDARLIQ: "İcazəsiz bir daha Azərbaycan ərazilərinə səfər etsə..."

14 yanvar

16:37 - KİVDF-nin sabiq rəhbəri cinayət yolu ilə 5,7 milyon manat əldə edib